خليـــــك ايجابــــــى
ازاى بس؟
الظروف صعبة
الناس اتغيرت
الى بحلم بيه مش بلاقيه
الاحباط هو اسهل زائر بيخبط على بابى
ابقى ايجابــــى ازاى بس يا عم؟؟؟
الى بعوزه فى الدنيا دى بيجى عكسه
والى مش بعوزه بيجى
مع ان فى ناس مش بتتقى الله وعايشة فى هيصة وفرح وسبحان الله مش عارف اقول ايه
ده كلام يا اما بنقوله جوانا يا اما بنقوله للناس
ومع ذل
...
ــــــــــــلك بقولك خليك ايجابــــــــــــى =D
ازاى؟
هاقولك
***************************************
هنمشى حياتنا بمبدأ اسمه
يا حلاوة جت .. يا حلاوة مجتش =D
من غير ضحك انا بتكلم بجد
يعنى انا هستمر فى محاولةطاعة ربنا و ارضائه مهما كان وضعى وحالتى النفسية والاجتماعية
ومش هقارن نفسى بغيرى مهما كانت ظروفه
لان كل واحد فينا مختلف عن التانى
حتى ربنا خلقلنا بصمة مختلفة لملايين البشر المخلوقة دى فى كل العالم
وكل واحد هيتحاسب لوحده
انت اعمل الى عليك واسعى فى كل شئ
ولو جالك الى بتحلم بيه وبتتمناه
قول : يا حلاوة جه الحمدلله
ولو مجاش قول : ياحلاوة مجاش الحمدلله
ليه بقى تقول الحمدلله على الحالين؟
لانك مع الله يبقى الله مش هايسيبك ابدا و اى حاجة بيعملهالك هى حلوة بالنسبالك
وربنا قال " والله يعلم وانتم لا تعلمون " صدق الله العظيم
يبقى اى حاجة منه حلوة
لو امنية او دعوة اتأخرت يبقى ده حلو وخير ومصلحة ليك
ولو جت بسرعة يبقى جاية فى وقتها الحلو المخصص لها والى يعرفه الله
يبقى فى الحالتين الى يجى والى يجى هو حلو
ببساطة لانه جاى من رب العالمين
الى انتا بتطيعه وهو عمره ما هايسيبك
يبقى تثق فى الله
وطول منتا واثق فى الله
هتعرف تبقى ايجابى
حتى لو بيتك بيتهد قدامك
لو واثق فى الله وعارف انه معاك وكل الى بيعمله خير ليك
هتقول الحمدلله لك يارب انا واثق فى افعالك الخير والمصلحة ليا و واثق انك عمرك ما هتضيعنى لانى معاك
و الى مع ربنا
هيحتاج حد تانى؟
ولا فى حد تانى يقدر ينفعه او يضره؟
لا طبعا
سبحان الله
موضوع: يا جت يا مجتش 
الثلاثاء فبراير 09, 2010 9:14 am
